Kryetari i Aleancës për Shqiptarët Arben Taravari është i ftuar në emisionin Daily Click. Taravari për emërimin e Arben Fetait në postin e zëvendëskryeministrit për Qeverisje të Mirë dhe Transparencë e cilësoi si një më të duhurin, duke marrë parasysh ekspertizën e Fetait dhe veprën e tij që la një jetesë më të mirë në Belgjikë vetëm për të kontribuar në vend në luftën ndaj korrupsionit.
“Në qoftë se e merrni CV-në e Arben Fetait, e shihni se rrallë njerëz ka në Maqedoni, por jo vetëm në Maqedoni por në gjithë pjesët tona. Në njeri i cili e la një rrogë shumë të madhe në Bruksel, dhe erdhi për të ndihmuar që të jepet maksimumi që të zbardhen çështjet e korrupsionit. LEVICA le të merret sa më shumë me ne, kur të kritikon LEVICA atëherë jemi në rrugë të drejtë” – theksoi Taravari.
