Në prag të Vitit të Ri 2025, zëvendësministrja e mbrojtjes, Elfet Ismaili ka shpërndarë një mesazh urimi për qytetarët, duke theksuar mundësitë e pafundme dhe nevojën për arritje të jashtëzakonshme. Ajo nënvizoi se ky është një vit i guximit, risive dhe angazhimit për të krijuar një botë më të drejtë dhe të ndritur për të gjithë.
“Le të bëjmë çdo hap të rrugëtimit tonë një hap të madh drejt suksesit dhe një ndryshimi të qëndrueshëm. Secili prej nesh është pjesë e kësaj rruge dhe së bashku mund të arrijmë çdo horizont,” tha ajo, duke ftuar qytetarët që të shndërrojnë çdo sfidë në mundësi dhe çdo mundësi në arritje të jashtëzakonshme.
Zëvendësministrja Ismaili përmendi gjithashtu rëndësinë e bashkëpunimit dhe unitetit, duke theksuar se vetëm nëpërmjet angazhimit të përbashkët mund të arrihen qëllimet e përbashkëta. Në fund, ajo uroi që Viti i Ri të sjellë shëndet, lumturi dhe triumfe për të gjithë qytetarët, duke shprehur respekt dhe mirënjohje për kontributet e tyre gjatë vitit që kaloi.
Gëzuar Vitin e Ri 2025!
