Përfaqësuesja e Anglisë zbulon fanellat për Kampionatin Botëror ‘Rusia 2018’

Përfaqësuesja e Anglisë ka zbuluar fanellat që do të veshin në Kampionatin Botëror ‘Rusia 2018’ gjatë verës.

Fanellat e para të djelmoshave të Gareth Southgate janë me ngjyrat tradicionale, lart të bardha dhe poshtë të kaltra, ndërsa të dytat kuqebardh.

Ato janë të prodhuara dhe dizajnuara nga Nike me teknologjinë e fundit duke i ndihmuar lojtarëve të ndihen sa më mirë në ato.

Ato do të vishën fillimisht në miqësoren ndaj Italisë në Wembley më 27 mars.

Në fund të muajit të lartpërmendur ato do të dalin edhe në shitje, ndërsa për detajet e çmimit dhe si mund të porositen nuk ka ende diçka.

Anglia është një nga skuadrat me lojtarët më të mirë në këtë garë, edhe pse nuk konsiderohen favorit, ata kanë të gjitha aftësitë për të përfunduar lart.

Fanellat janë prezantuar nga lojtarë si Raheem Sterling, Kyle Walker, John Stones e Joe Gomez. /Telegrafi/