Më 07.06.2026, në ora 16:40, në SPB Shkup është raportuar nga Qendra Urgjente pranë kompleksit të klinikave “Nënë Tereza” në Shkup se tek ata është sjellë me lëndime të rënda trupore një grua 44-vjeçare, S.S. nga Shkupi.
Sipas njoftimit, aksidenti ka ndodhur më 06.06.2026 rreth orës 21:00 në rrugën “Zhan Zhores” në Shkup, kur ajo, duke drejtuar biçikletën, ka rënë në një pusetë kulluese, me ç’rast ka pësuar lëndimet.
Në vendin e ngjarjes është kryer këqyrje nga ekipi hetimor i SPB Shkup.
