Rreth 29 % e banorëve të vendeve anëtare të BE-së të moshës mbi 16 vjeçare nuk kanë mundur të bëjnë pushim vjetor njëjavësh jashtë vendit të tyre në vitin 2019, tregojnë të dhënat e Eurostat.
Tek ne në vitin 2018, kur për herë të fundit ka të dhëna nga Eurostat , 57,5 % e banorëve nuk mund të shkojnë për pushim vjetor njëjavor. Kjo përqindje është zvogëluar për 16 % në krahasim me vitin 2010 kur 74,2 % e qytetarëve nuk kanë mundur të shkojnë në pushim njëjavor.
Në Evropë, gjithashtu, kjo përqindje nga viti 2010 ngadalë zvogëlohet, ku 39 % e evropianëve nuk mund të shkojnë në pushim.
Mes vendeve anëtare të BE-së, përqindje më të lartë ka Rumania, në të cilin 54 % të banorëve nuk kanë mundur të shkojnë në pushim vjetor njëjavor vitin e kaluar, pas së cilës vijojnë banorët e Greqisë – 49 %, Kroacisë – 48 %, Qipros- 45 dhe Italisë – 44 %.
Në skajin tjetër të shkallës, vetëm 10 % e banorëve të Suedisë nuk kanë mundur të lejojnë pushim vjetor njëjavor, pas së cilës vijojnë Danimarka dhe Luksemburgu – 11 %, Finlanda – 12, Gjermania dhe Austria nga 13 %.
Krahasuar me vitin 2010, përqindja e njerëzve të cilët nuk mund të shkojnë në pushim njëjavor jashtë vendit të tyre çdo ditë shënon zvogëlim në të gjitha vendet anëtare të BE-së, me përjashtim të Italisë dhe Greqisë, ku është regjistruar rritje prej 4 dhe 3 %. Zvogëlim më i vogël është regjistruar në Letoni – 35 %, Maltë – 30 %, Bullgari dhe Poloni nga 27 %.
