Bashkimi Demokratik për Integrim e njohur tashmë në opinion si një strukturë politike tepër e dyshimt e cila gjithë këto vite ka vënë kurdisje ndaj oponentëve politik, vetëm e vetëm për ta mbajtur pushtetin e saj kriminal të një grupi të njerëzve të ngusht në kurriz të shqiptarëve. Kjo strukture e cila akoma vazhdon të thirret si strukture e dalë nga lufta e 2001 e që luftën e kishte armë për të fituar pushtet, dhe jo për të qenë në shërbim të shqiptarëve.
Lideri i tyre Ali Ahmeti bashkë me BDI, për gjithë këto vite kanë dëshmuar se kanë qenë të gatshëm të qeverisin edhe me VMRO-DPMNE-në e Gruevskit edhe atëherë kur shqiptarë të pafajshëm u vranë, u burgosën, e u tërhoqën zvarrë , por vazhdojnë edhe sot në të njëjtin mënyrë edhe me LSDM-në e Zaevit, ku edhe kanë lidhur marrëveshje bashkëpunimi parazgjedhor jo në interest të shqiptarëve po sërish në interes të një grupi të ngusht kriminal mbi të cilët rrëndojnë afera të rrënda koruptive.
Ali Ahmeti është i lindur për truqe, duke e kuptuar tashmë krejt shqiptarët se ai luftën e kishte armë vetëm e vetëm të instalohet në pushtet, dhe jo për të qenë në shërbim të nevojave të shqiptarëve. Kjo u dëshmua në 16 vitet e tij të qeverisjes me Gruevskin dhe me Zaevin po e dëshmon këto kohët e fundit.
Ali Ahmeti i BDI-së është koka e skenarëve të zi, e që për qëllim ka të krijojë një linjë klanesh mes individësh a partish politike. Ska se si të jetë ndryshe kur BDI me Ali Ahmetin në krye e ndihmon Vesel Memedin e RDK-së që ta krijojë një aleancë të re, e që është një lloj piraterie në aspektit ligjor, me të vetmin qëllim për të krijimin dhe të futjen hutisë te popullata për ta ngatërruar oponentin që ia ka frikën. Krejt kjo mbase mund të ishte bërë për ta ruajtur pushtetin e kriminalizuar dhe për ta ruajtur dallimin prej një 1 % në anketa në mes Aleancës për Shqiptarët dhe BDI-së, dallim ky i cili në fakt edhe nuk ekziston.
Shqiptarët këta lojra të pista i kanë kuptuar dhe më 15 tetor sigurisht se gjykimi i popullit do vijë , sikurse erdhi me 11 dhjetor të 2016, ku në kalimin e “urrës së siratit” BDI e Ahmetit u përgjysmua ekstremisht.
© fol.mk
