Kanë vërshuar reagimet lidhur me mesazhin e ministrit të Jashtëm të Shqipërisë, Ferit Hoxha pasi në një grup në rrjete sociale, ai i quajti shqiptarët e Maqedonisë “idiotë”.
Pasi skandali u bë publik, ministri Hoxha ka fshirë mesazhin, por kjo ka shtuar edhe më shumë valën e reagimeve.
Ajo që bie në sy është numri i celularit që ka nxit këtë diskutim, e që është i njëjti numër i ambasadorit të Shqipërisë në Shkup, Denion Meidani.
Fakti që ai deri tani nuk replikoi, logjikshëm lind pyetja: a pajtohet edhe ambasadori me këtë konstatim të ministrit Ferit Hoxha?
Pra është zhgënjyese heshtja e tij i cili në vend se të reagojë, po luan rolin e zëdhënësit të disa partive politike shqiptare në vend.
