Lideri i BDI-së, Ali Ahmeti nëpërmjet një statusi në fejsbuk ka kujtuar sot Hoxhë Jakup Asipin në 12 vjetorin e vdekjes.
“12 vite pa praninë fizike të Hoxhë Jakup Asipit, i cili në historinë më të re të kombit, do të mbahet mend si luftëtar i lirisë dhe barazisë, me kontribut mbresëlënës si në luftë ashtu edhe në paqe. Bashkohem me të gjithë ju në kujtesën për boshllëkun që la ikja e tij nga kjo botë. Qoftë në paqe shpirti i tij. I paharruar do të mbetet kujtimi për të”, shkruan lideri i BDI-së, Ali Ahmeti.
