Aleanca për Shqiptarët shpreh indinjatë të thellë në lidhje me portalet të cilat u vendosën në funksion të manipulimit dhe nxitjes, me qëllim të përçarjes së Aleancës për Shqiptarët në vigjilje të Kongresit të saj partiak.
Apelojmë mediat të cilat thirren si të pavarura, qofshin ato elektronike dhe të shkruara që mos të bien pre e këtyre manipulimeve por të ruajnë nivelin dhe të demostrojnë se janë pararrojë e demokracisë dhe vlerave që ngërthen ajo.
Aleanca për Shqiptarët është parti demokratike, në rritje e sipër dhe është e kuptueshme shqetësimin e oponentëve politik dhe portaleve të tyre partiake. Rikujtojmë mediat të tjera, të cilat nuk janë nën shërbim të shpifjes dhe manipulimit që informojnë drejt dhe bazuar në logjikën demokratike.
Aktualisht procesi për organizimin e Kongresit partiak është në pregaditje dhe vijon me fazën e parë e cila nënkupton periudhën e antarsimeve të reja, më pas gjatë muajit Shkurt do të vijojnë organizimi i kuvendeve të degëve dhe nëndegëve dhe si përfundim të këtij procesi transparent dhe demokratik, në muajin Mars të vitit 2018, do të organizohet Kongresi i parë i Aleancës për Shqiptarët në të cilën do të ketë proces votimi për më shumë organe partiake.
Me respekt,
Këshilli për organizimin e Kongresit
Aleanca për Shqiptarët
Janar 2018
