Bill Gates dhe Melinda Gates të premten publikuan një fjalim që e mbajtën para studentëve të diplomuar, ceremonia e të cilëve u anulua si pasojë e COVID-19.

Të publikuar në Wall Street Journal, çifti i drejtohet një klase që po diplomojnë në kushte më të jashtëzakonshme, transmeton Telegrafi.

“Pra, çfarë do të thotë e gjithë kjo për kapitullin tjetër të jetës suaj? Si anëtar i komunitetit tonë global, veprimet tuaja mund të kenë një ndikim global. Cilat do qofshin qëllimet tuaja profesionale, kudo ku jetoni, kushdo që të jeni, ka mënyra, të mëdha dhe të vogla, që ju të mund të merrni pjesë në bërjen e botës më të mirë për të gjithë”, shkruajnë ata.

“Me kaq shumë gjëra për t’u shqetësuar – nga shëndeti juaj te familja juaj deri në atë që do të thotë tregu i punës për aftësinë tuaj për të shlyer kreditë tuaja – është e kuptueshme që mund ti bëni pyetjen vetes në lidhje me rolin tuaj në përmirësimin e botë”, shkruajnë ata.

Prapëseprapë, ata ofruan një shikim të optimizmit, duke thënë se bota është shëruar nga ngjarjet shkatërruese më parë. “Ky përparim nuk ndodhi rastësisht. Ishte rezultat i një angazhim të madh nga të gjithë”.

“Për ju që diplomuat tani, këto nuk janë kohëra të lehta. Por ne do t’i kapërcejmë ato. Dhe me udhëheqjen tuaj, bota do të jetë më e fortë se më parë”, përfundon fjalimi.

Bill dhe Melinda Gates kanë qenë shumë të zëshme për temën e pandemisë, dhe fondacioni i tyre bamirës ka dhuruar 250 milionë dollarë për të luftuar virusin deri më tani.