Përfaqësuesja e Brazilit nuk arriti t’i përmbushte pritjet pasi favoritët e Kupës së Botës “Katar 2022” u eliminuan nga turneu pasi humbën me penallti ndaj Kroacisë në çerekfinale.
Hera e fundit që Selecao arriti deri te trofeu ishte në vitin 2002, kur ata mundën Gjermaninë në finale për të fituar Kupën e tyre të pestë të Botës.
Pas turneut të tyre të fundit zhgënjyes, priten disa ndryshime për sa i përket stafit të trajnerëve dhe skuadrës.
Kush do të jetë zëvendësuesi i Tites?
Siç u njoftua në një intervistë në shkurt, Tite nuk do të qëndrojë në ekip.
Megjithatë, në nëntor, nënkryetari i Federatës Braziliane të Futbollit (CBF) Francisco Novelletto theksoi se ai do të përpiqet të bindë Tite të qëndrojë i vendosur në rast se Brazili fiton Kupën e Botës.
Synimi i Tites është të marrë një vit pushimi. Në gjashtë vitet e tij në Selecao, ai regjistroi 61 fitore, 13 barazime dhe shtatë humbje në 81 ndeshje, në të cilat Brazili shënoi 174 gola dhe pranoi 30.
Ndryshon zhveshtorja e Brazilit
Lojtarët e rinj si Eder Militao, Lucas Paqueta, Vinicius Jr dhe Richarlison pritet ta marrin barrën kryesore të ekipit, ndërsa Casemiro pritet të vazhdoj pasi është ende 30 vjeç.
Megjithatë, e ardhmja e legjendave të Brazilit si Thiago Silva dhe Dani Alves mbetet e pasigurt.
I pari pranoi se nuk do të jetë i disponueshëm për Kupën e Botës së vitit 2026, por nuk përjashtoi mundësinë e paraqitjes në Kupën e Amerikës.
Ndërkohë, Dani Alves nuk e ka bërë të qartë nëse planifikon të tërhiqet së shpejti.
“E ardhmja ime tani? Të vuaj”, ka thënë Alves pas eliminimit.
Brazili është i shqetësuar sepse Neymar gjithashtu raportohet se po mendon të largohet.
“Nëse them se është fundi, do të nxitoja, por as nuk garantoj asgjë”, tha ylli i Paris Saint-Germain.
Prandaj, mund të jetë një skuadër braziliane shumë ndryshe që shkon në Kupën e Botës të vitit 2026 që pritet të zhvillohet në Shtetet e Bashkuara të Amerikës, Kanada dhe Meksikë.
