Këshilli i Prokurorëve Publik pritet që të kërkojë që Prokuroria Speciale të heq prokuroren Fatime Fetai në rastin e Nikolla Gruevskit, që akuzohet për rastin e dhënies së urdhërit për të ushtruar dhunë ndaj kryetarit të komunës Qendër, Andrej Zhernovski.
Kryetari i këshillit, Petar Anevski nuk shpjegoi pse zgjaten përsëri këto vendime, por potencoi se dje Këshilli e shqyrtoi konstatimin e kryetares së Gjykatës Penale në dorëheqje Tatjana Mihailova dhe arrin në përfundimin se të dy prokuroret e Prokurorisë Speciale Publike, Katica Janeva dhe Fatime Fetai kanë shkelur kodin e etikës.
“Të dy prokuroret kanë shkelur kodin dhe rekomandimi i ynë për ata është që të emërojnë një prokuror të ri në rastin konkret”, tha Anevski.
Në seancën e fundit për këtë lëndë që u mbajt më datë 22 muajin e kaluar dy prokuroret kanë hyrë në një polemikë të nxehtë me gjykatësen në dorëheqje Tatjana Mihailova, pas së cilës ajo i ndëshkoi të dyjat me nga 2.000 euro për mospërfillje të gjykatës. Seanca e ardhshme për këtë rast është më 10 mars, një ditë pas seancës së Këshillit.
