Vendosja e një maske, distancimi shoqëror dhe larja e duarve rregullisht janë mënyrat më të mira për të ndaluar përhapjen e COVID-19.
Por kur bëhet fjalë për këto zakone thelbësore, duket se gratë i ndjekin më shumë këto rregulla se meshkujt, sipas një studimi të ri, raporton CNN.
Për të arritur në përfundimet e tyre, studiuesit në Universitetin e New Yorkut dhe Universitetin Yale ekzaminuan të dhënat e sondazhit, vëzhgimet në rrugë dhe analizën e lëvizjeve të telefonave të mençur, transmeton Telegrafi.
Gratë nuk janë thjesht më të mira në marrjen e masave parandaluese, thanë studiuesit. Ata gjithashtu zbuluan se gratë më shumë i dëgjonin ekspertët për COVID-19, tha studimi, i cili u botua këtë javë në revistën Behavioral Science & Policy.
Sondazhi me 800 persona zbuloi se gratë më shumë i respektonin sesa meshkujt distancat shoqërore, qëndrimin në shtëpi, lanin duart dhe përziheshin më pak me familjen dhe miqtë. E vetmja masë që nuk kishte një ndryshim gjinor ishte frekuenca e kontaktit me njerëz të tjerë përveç miqve ose familjes.
Këto ndryshime, thanë studiuesit, mbetën edhe pasi të llogariten rastet COVID-19 për frymë banori në këto qarqe, prania e urdhrave të qëndrimit në shtëpi dhe karakteristikave të tjera demografike – të tilla si të ardhurat, arsimi dhe profesioni – që mund të ndikojnë nëse njerëzit punonin nga shtëpia ose kishin më shumë të ngjarë të punonin në sektorë që konsiderohen thelbësorë.
