Ka reaguar edhe zëvendëskryeministri i Republikës së Maqedonisë së Veriut Artan Grubi ndaj zgjedhjes së Vjosa Osmanit për Presidente të Republikës së Kosovës. Përmes një postimi në facebook ai shprehet kështu:
“Urimet më të sinqerta për zgjedhjen e sotme të zonjës Vjosa Osmani për Presidente të Republikës së Kosovës.
Me uratat dashamirëse për shëndet, mbarësi dhe suksese, siguroj zonjën Osmani për bashkëpunim të afërt dhe intenziv në agjendën e përbashkët për një rajon të integruar, pa çështje të hapura dhe të integruar tërësisht në Bashkimin Europian dhe në bashkëkoordinim të ngushtë me Shtetet e Bashkuara të Amerikës.
Paçi mbarësi dhe faqëbardhësi në punën tuaj.”
