Më shumë se 400 vetë u bllokuan në një tren gjatë natës pasi një stuhi dëbore që ka përfshirë Japoninë perëndimore mbuloi hekurudhën në qytetin e Nigatës.
Për shkak të trashësisë së borës rrotat e trenit nuk mund të ktheheshin, duke detyruar drejtuesin e tij të ndalonte udhëtimin në orën 19 të ditës së enjte, më pak se tre orë pasi kishte nisur udhëtimin.
Zyrtarët vendosën se evakuiimi i menjëhershëm i të gjithë udhëtarëve ishte shumë i rrezikshëm për shkak të borës dhe errësirës.
Ata evakuuan vetëm pesë udhëtarë, të cilët ishin të sëmurë, ndërse pjesa tjetër e udhëtarëve u evakuua në mëngjesin e së premtes.
Treni kishte energji elektrike dhe ngrohje. /VOA/
