Norvegjia do të investojë rreth 13 milionë dollarë të tjerë për ta pasuruar kasafortën Svalbard të Farërave Botërore, pas mbi 10 vitesh operimi.
Masat janë pjesë e një plani afatgjatë për të rritur shanset dhe për të zgjatur jetëgjatësinë e kasafortës së farave. Kjo magazinë gjigande, e quajtur gjithashtu kasaforta e fundit të botës, e cila mban fara nga e gjithë bota në mënyrë që të sigurojë ruajtjen dhe të mbrojë materialin gjenetik të rëndësishëm për ushqimin dhe agrikulturën.
“Përmirësimet do të sigurojnë që Kasaforta Svarlbard e Farave Botërore të mund të vazhdojë t’u ofrojë bankave gjenetike të botës një hapësirë të sigurt ruajtjeje në të ardhmen. Është një detyrë e madhe dhe me rëndësi të ruash të gjithë këtë material gjenetik që është thelbësor për sigurinë botërore të ushqimeve”, tha Ministri Norvegjez i Agrikulturës dhe Ushqimit, Jon Georg Dale, citon scan.tv.
Magazina ndodhet e futur 100 metra në brendësi në një mali në një ishull të izoluar të arkipelagut Svalbard, i cili ndodhet midis Norvegjisë dhe Polit të Veriut. Kasaforta gjendet gjithashtu shumë mbi nivelin e deti, ç’ka e mbron nga skenarët e përmbytjes nga oqeanet.
Farat ruhen edhe përmes ngrirjes natyrale që shkaktojnë temperaturat e ambientit. Zona është e qëndrueshme gjeologjikisht dhe nivelet e lagështirës janë të ulëta.
