Etiopia, vendi i dytë më i populluar në Afrikë, ruan me krenari traditat dhe ndjenjën e fortë të identitetit kombëtar.
Një nga veçoritë unike është ajo kryesore, kalendari Ge’ez.
Pse është e veçantë? Sepse më 11 shtator i thotë lamtumirë 2016-ës dhe mirëpret Vitin e Ri 2017.
Po, e lexuat mirë! Sipas kalendarit, etiopianët po “rrojnë” ende në vitin 2016, ndërsa pjesa tjetër e botës është “me shumë nxitim”.
Dimë se kalendari gregorian është më i përdoruri (është shpallur në vitin 1582 nga Papa Gregori XIII, red.), ndërsa besohet se në botë janë 40 kalendarë të ndryshëm në “qarkullim”.
Njëra prej tyre është ai etiopian, i cili llogarit se Jezu Krisht ka lindur tetë vjet më vonë se si e parasheh ai gregorian, raporton Unilad.
Kalendari etiopian është të paktën 1500 vjeçar dhe ka shumë ngjashmëri me kalendarin koptik.
Ai përbëhet nga 12 muaj, me 30 ditë secili, por përfshin edhe një muaj të 13-të të pazakontë – paguma. Është interesante se zakonisht zgjat pesë ose gjashtë ditë çdo vit të brishtë.
Së fundi, disa institucione (shtetërore) dhe kompani ndërkombëtare priren të ndjekin kalendarin Gregorian, që do të thotë se në Etiopi koha llogaritet në dy mënyra në të njëjtën kohë.
