Ekipet e shpëtimit kanë filluar punën qysh në orët e hershme të mëngjesit dhe iu është dashtë më shumë se tre orë rrugë për të arritur në hotel pasi që rrugët ishin bllokuar nga bora, transmeton lajmi.net.
Siç raporton BBC, probleme në qarkullim ka në shumicën e fshatrave në pjesën e Italisë qendrore të cilat janë bllokuar nga bora për shkak të rrëshqitjeve të ortekëve nga mali Gran Sasso.
Deri më tani nuk ka shumë detaje rreth aksionit por thuhet se për shkak të rrëshqitjeve të borës mbi çatinë e hotelit ka shumë të vdekur.
Mediat italiane kanë raportuar se mysafirët e këtij hoteli gjatë natës kanë dërguar një mesazh policisë me tekst “ndihmë po vdesim nga i ftohti”.
Një nga të mbijetuarit Dampjero Parete gjatë rrëshqitjes së ortekëve ka qenë në parking duke marrë diçka në veturë dhe ka arritur të shpëtoj. Mirëpo, ai ka treguar se gruaja me dy fëmijët e tij kanë mbetur të bllokuar në hotel dhe nuk dihet se çfarë ka ndodhur me ta./Lajmi.net/