Nesër në rrugën Kërçovë-Ohër do ketë ndërprerje të komunikacionit

Komunikacioni në Maqedoni po zhvillohet në rrugë të thata, informojnë nga Lidhja Auto-Moto e Maqedonisë.

Nga atje informojnë se komunikacioni jashtë mjediseve urbane po zhvillohet me intensitet të ulët. Në vendkalimet kufitare për hyrje dhe dalje nga vendi nuk ka pritje të gjata.

Nesër në rrugën Kërçovë-Ohër tek fshati Vrbjan, më 19.10.2020 për shkak të punimeve rrugore, në periudhën kohore prej orës 12 deri në orën 15 komunikacioni do të jetë në ndërprerje.

Nga LAMM u rekomandojnë shoferëve që të kenë kujdes me shpejtësinë e veturave, veçanërisht nëpër luginat e vendit.