Është qëndrimi i ASH-së se a do mbeten në qeveri, pasi edhe pa ta qeveria ka stabilitet dhe numra, ka deklaruar në debatin në Alsat-M, shefi i Shtabit zgjedhor të BDI-së në Çair, Bujar Osmani.
“Ka një mllef në grupin parlamentar të BDI-së për vokabularin e tyre si partner koalicioni. Nuk mundesh të jesh edhe pushtet edhe opozitë, apo me VMRO-në dhe në koalicion me LSDM-në… Nuk duam të nxjerrim asnjë parti politike nga qeveria…”, ka thënë Osmani.
Lidhur me ndërhyrjen e kryeministrit në zgjedhje, Osmani thekson se pozita e tij nuk ka qenë si kryeministër Zaev, por si kryetar i LSDM-së…
“Në asnjë mënyrë nuk kemi lejuar instrumentet shtetërore të vihen në shërbim, pasi as vetë nuk kam shfrytëzuar veturën zyrtare e as resurset shtetërore”, ka pohuar Osmani.
BDI, sipas Osmanit, doli korrekte me partnerin e saj qeveritar LSDM dhe u tërhoq nga kandidaturat në disa komuna, gjë që nuk e bëri LR-PDSH.
“LR-PDSH e sfidoi LSDM-në në Butel duke nxjerr kandidat të vetin në rrethin e parë, ashtu edhe në qytetin e Shkupit. Po të ishin korrekt në raundin e parë me LSDM, edhe LSDM do ishte korrekt me ta në rrethin e dytë”, ka thënë Osmani.
