Coronavirusi ka të ngjarë të vazhdojë përhapjen e tij për të paktën 18 muaj, ose deri në dy vjet – një ekip i ekspertëve të pandemive parashikuan në një raport të lëshuar të enjten.
Sipas mediave të huaja, përcjell Telegrafi, ata rekomanduan që SHBA të përgatitej për një skenar më të rëndë që përfshin valën e dytë më të madhe të infeksioneve në vjeshtë dhe dimër.
Edhe në rastin më të mirë njerëzit do të vazhdojnë të vdesin nga virusi, parashikuan ata.
“Kjo nuk do të ndalet derisa të infektojë 60 deri në 70 për qind të njerëzve”, tha Mike Osterholm, i cili drejton Qendrën për Studim dhe Politikë të Sëmundjeve Infektive (CIDRAP) në Universitetin e Minesota.
“Ideja që kjo të mbarojë së shpejti kundërshton praktikat e mikrobiologjisë”, ka shtuar ai.
Osterholm ka 20 vjet që shkruan për rrezikun e pandemive madje ka këshilluar edhe disa presidentë.
Ai finalizoi raportin së bashku me me epidemiologun e Shkollës së Shëndetit Publik në Harvard, Marc Lipsitch, i cili është gjithashtu një ekspert i lartë për pandemitë; Dr. Kristine Moore, ish-epidemiologe e Qendrave për Kontrollin e Sëmundjeve e cila tani është drejtoreshë mjekësore për CIDRAP; dhe historiani John Barry, i cili shkroi librin në vitin 2004 “Influenca madhështore” në lidhje me pandeminë e gripit të vitit 1918.
Sa do të jetë me ne COVID-19?
Për shkak se COVID-19 është i ri askush nuk është imun ndaj sëmundjes.
“Jetëgjatësia e pandemisë ka të ngjarë të jetë prej 18 deri në 24 muaj, pasi ‘imuniteti i tufave’ zhvillohet gradualisht në popullatën njerëzore”, shkruajtën ata.
Parashikimet e tyre janë të ndryshme nga modelet e paraqitura nga grupe të tilla si Instituti i Metrikës së Shëndetit dhe Vlerësimit (IHME) në Universitetin e Uashingtonit ose modelet e prodhuara nga Imperial College London, raporti i të cilit parashikon miliona vdekje në SHBA.
Ekipi i udhëhequr nga CIDRAP përdori ato raporte, të dhëna historike mbi pandemitë e kaluara dhe publikoi raporte në lidhje me detajet mjekësore të COVID-19 për të përgatitur parashikimin e tyre.
“E kam thënë për një kohë të gjatë, kur dëshirojmë të kuptojmë përhapjen e e infeksioneve të një sëmundjeje, duhet të mbështeteni në histori, si dhe në modele”, tha Lipsitch për CNN.
“Për shembull, infeksionet pandemike nuk kanë tendencë të vdesin gjatë verës, siç ndodh me gripin sezonal”, shtoi ai.
“COVID-19 duket se përhapet më lehtë sesa gripi”, shkruajtën ata në raport.
“Një R0 më i lartë do të thotë që më shumë njerëz do të duhet të infektohen dhe të bëhen imunë para se të përfundojë pandemia”, shtojnë ata. (R0 është numri mesatar i personave të tjerë të infektuar nga secili pacient).
“Bazuar në pandemitë më të fundit të gripit, ky shpërthim ka të ngjarë të zgjasë 18 deri në 24 muaj”.
