Delegacion qeveritar nga Maqedonia në krye me kryeministrin Zoran Zaev, ministrin e jashtëm Nikolla Dimitrov, ministren e Mbrojtjes Radmilla Shekerinska dhe zv/kryeministrin për çështje evropiane Bujar Osmani po qëndrojnë në vizitë dyditore në Bruksel. Ata sot kanë pasur takim me kryetarin e këshillit evropian Donald Tusk.
Pas kësaj zv/kryeministri Osmani ka shkrepur një status në Fejsbuk:
“Ditë e rëndësishme, prej Varshave në Bruksel në takim me Tusk dhe Han. Do të sigurojmë BE dhe NATO për qytetarët tanë!”, ka shkruar Osmani në stilin e tij, përmes të cilit vazhdimish mundohet të theksojë kontributin e tij personal dhe të partisë së tij, për integrimin e Maqedonisë në NATO dhe BE, duke menduar se shqiptarët vërtet ëe kanë harruar kontributin e madh që dha BDI-ja për anëtësim në NATO dhe BE, deri sa ishte në koalicion me VMRO-DPMNE-në.
Mirëpo një “shuplakë” e vërtetë ka ardhur nga koordinatori kombëtar për NATO, Stevo Pendarovski. Ai ëri të ditur se nesër zyrtarisht pritet ftesa për anëtarësim në NATO në Bruksel. Kurse në fjalimin e tij, periudhën e qeverisjes VMRO-BDI e ka quajtur “regjim” që ka penguar anëtarësimin e Maqedonisë në strukturat euro-atlantike.
“Hera e parë ishte në vitin 2001 kur kishim konflikt të brendshëm, kurse katër vite më vonë në vitin 2005 fituam statusin kandidat për në BE. Hera e dytë është kur u kthyen në qeverisje pas 11 viteve regjim, dhe për një vit fituam ftesën për anëtarësim në NATO. Tash, një vit pas hyrjes së dhunshme në Kuvend, flasim se si Maqedonia do të bëhet anëtare e plotë e NATO-s dhe me datë për fillim të bisedimeve me BE-në në qershor të vitit të ardhshëm”, deklaroi Pendarovski.
Ai shtoi se vitin e kaluar Maqedonia ka përmbyllur 3 çështje strategjike, e para është marrëveshja për fqinjësi të mirë me Bullgarinë, që sipas tij ka qenë përafërm drejt BE-së. Në planin e brendshëm është Ligji i gjuhëve – element i rëndësishëm për plotësimin e marrëveshjes së Ohrit dhe e fundit është marrëveshja me Greqinë për zgjidhjen e çështjes së emrit.
Pendarovski gjithashtu potencoi se NATO është faktor në vend, duke marrë parasysh se rreth 80% e qytetarëve janë për anëtarësim në NATO, pa dallim të përkatësisë etnike, që nuk është me vendet tjera që aspirojnë.
Seminarin e organizon Këshilli parlamentar i NATO-s në bashkëpunim me Kuvendit e Republikën e Maqedonisë me temën: “Integrimet euroatlantike të Ballkanit Perëndimor: përforcim të projektit evropian të paqes”.
