Kryetari i Shoqatës së të Burgosurve Politikë shqiptarë në Maqedoni, Shpëtim Pollozhani, përmes Facebook-ut, ka kritikuar Ligjin për përdorimin e gjuhës shqipe dhe nëse ky ligj qenka zyrtar, pyet Pollozhani, pse nxënësit maqedonas nuk e mësojnë gjuhën shqipe nga klasa e katërt, sikurse që e mësojnë nxënësit shqiptarë, përcjell Fol.
Sipas Pollozhanit, gjuha shqipe nuk është zyrtare në Maqedoni dhe se gjuha shqipe është zyrtare vetëm në vendbanimet ku shqiptarët janë mbi 20% dhe në institucionet e pushtetit qendror.
Pollozhani më tej shton se pa mekanizma të fuqishëm të kontrollit dhe të penalizimit të shkelësve të këtij ligji, kjo punë do të kalojë si një furtunë në gotë. /Fol/
