Ish- deputetja e Lidhjes Demokratike të Kosovës, Alma Lama ka reaguar në lidhje me debatin se a duhet apo jo që posti i presidentit të jetë pjesë e negociatave VV-LDK.
Ajo në një shënim në Facebook tha se bazuar në sistemin aktual politik, presidenti zgjedhet nga ana e parlamentit, dhe kësisoj sipas saj i takon LDK-së.
Shënimi i plotë i saj:
Ne baze te rezultatit zgjedhor te 6 tetorit dhe ne baze te dispozitave aktuale kushtetuese, ku presidenti zgjidhet nga parlamenti, posti i presidentit i takon LDK-se. Pike!
Ne rast se merren vesh per ndryshim te kushtetutes rreth menyres se zgjedhjes, eshte dicka tjeter. Por kushtetuta nuk mund te ndryshoje pa 2/3 e votave te minoriteteve, pra edhe te Listes Serbe.
