Prokuroria Publike për Ndjekje të Krimit të Organizuar dhe Korrupsionit, për shkak të dyshimeve sot ka hyrë në Komisionin Shtetëror të Zgjedhjeve, për të konfirmuar nëse ka vepër penale gjatë tenderit për blerjen e softuerit të këtij institucioni.
Prokuroria nuk ka treguar nëse akoma janë në KSHZ, por për MIA thanë se gjatë kontrollit kanë marrë dokumentacionet e tenderit, për të parë nëse janë respektuar të gjitha procedurat ligjore.
Për dallim nga ciklet tjera zgjedhore, në zgjedhjet e 15 korrikut KSHZ nuk i publikoi në mënyrë elektronike rezultatet.
Arsye për këtë siç thanë prej KSHZ-së, ka qenë sulmi i hakerëve ndaj faqes, i cili ka zgjatur edhe disa ditë pas zgjedhjeve.
