Një ditë pasi Ministria e Arsimit njoftoi për mënyrën e përfundimit të vitit shkollor, Ministria e Punës dhe Politikës Sociale pa plan konkret se çfarë do të ndodhë me çerdhet. Shpresat i mbajnë tek Komisioni për sëmundje infektive.
Ministria e Punës dhe Politikës Sociale
“Lidhur me fillimin e punës së çerdheve, si edhe për të gjitha masat, rekomandimin do ta japë Komisioni për sëmundje infektive, duke mbajtur llogari para së gjithash për shëndetin e fëmijëve dhe të punësuarve, ndërsa vendimin do ta sjellë Qeveria. Gjithsesi se do të mbahet llogari edhe për faktin se fëmijët nuk guxojnë të mbesin pa kujdes”
Nga ky dikaster kujtojnë se në fuqi janë akoma masat që njëri nga prindërit të jetë i lirë nga puna.
Ministria e Punës dhe Politikës Sociale
“Për personat e punësuar në institucione dhe kompani, të cilët kanë fëmijë adoleshent të moshës deri në 10 vjet, ose aktiv në klasë të katërt, për të cilin nevojitet kujdes i domosdoshëm në shtëpi njëri prind është i liruar nga puna dhe aktivitetet e punës, ndërsa mungesa në këtë periudhë do të evidentohet si e arsyeshme nga punëdhënës”
Pavarësisht kësaj mase të Qeverisë, Ministria nuk ka përgjigje se si do të veprojnë me çerdhet pas përfundimit të gjendjes së jashtëzakonshme. Nga ky dikaster nuk treguan nëse kanë ndonjë plan se si do të funksionojnë gjatë verës, kur prindërit pritet të kthehen në vendet e tyre të punës, ndërsa çerdhet janë të obliguara të punojnë.
