Pas dënimit me 2 vjet burg të ish-ministrit serb të qeverisë së Kosovës, mbi përdorimin e gjuhës së urrejtjes ndaj shqiptarëve, në mbështetje të tij ka dalë edhe presidenti i Serbisë Aleksandër Vuçiç, i cili e ka mohuar masakrën e Reçakut, duke e quajtur një fabrikim të shqiptarëve.
Reagime të menjëhershme ka pasur nga figurat politike në Kosovë, duke i rikujtuar Aleksandër Vuçiç, se masakra e Reçakut ka qënë një nga shumë krimet ndaj civilëve, që Serbia ka kryer në Kosovë gjatë luftës.
LEXO EDHE:
‘Turp i njerëzimit’/ Washington Post risjell sulmet e Ramës ndaj Trump, Vasili: Ç’njeri i dobët
Por më në fund vjen edhe reagimi i kryeministrit të Shqipërisë Edi Rama.
Përmes një postimi në anglisht në Twitter, teksa i quan serbët “miq”, Rama shprehet se:
“Lërini të vdekurit të varrosin të vdekurit” dhe le të bëjmë atë që kërkojnë të gjithë: Ndërtoni paqen dhe prosperitetin për të gjithë fëmijët tanë dhe bëjeni rajonin tonë një model!”, shkruan Rama.
