Të akuzuarit Trajko Veljanoski, Mile Janakieski, Spiro Ristovski dhe Vladimir Atanasovski sot do të presin vendimin për dënim për ngjarjet në Kuvendin e Maqedonisë që ndryshe njihet si “Organizatorët për 27 prillin”, përcjell Telegrafi Maqedoni.
Prokuroria ka thënë qëndrimin e saj duke ju veshur fajësinë ndërsa të akuzuarit në seancën për fjalët e fundit thanë se nuk ndjehen fajtorë për ngjarjen më të turpshme për demokracinë në vend, ku u sulmuan deputetët gjatë ndrrimit të pushtetit.
“Rrezikim terrorist i rendit kushtetues” është kualifikimi i kësaj lënde për të cilët pritet vendim për ish-zyrtarët e OBRM-PDUKM-së. /Telegrafi
