Kryetari i Komunës së Gostivarit, Arben Taravari priti në kabinetin e tij Mjeshtrin e madh të sporteve marciale Bekim Nuhija.
“Siç e theksoj vazhdimisht, sportistët i konsideroj ambasadorët më të mirë të një populli apo komuniteti. Një ndër ta është edhe Mjeshtri i madh i sporteve marciale, Bekim Nuhija, i cili radhit sukseset një pas një në Evropë dhe në vendet tejoqeanike, duke na bërë neve si gostivaras mjaft krenarë”, theksoi Taravari.
Bekim Nuhija, i cili jeton dhe vepron në Gjermani, ndërsa me prejardhje është nga fshati Reçan i Gostivarit, falënderoi kryetarin Taravari për mikpritjen e ngrohtë dhe për respektin që tregon ndaj sportistëve si dhe angazhimet e tija për të ngritur nivelin e festë sportive në Gostivar.
Për rezultatet e arritura kulmore në fushën e sporteve marciale, kryetari Taravari i ndau mirënjohje Bekim Nuhijës.
