Një delegacion izraelo-amerikan, i drejtuar nga dhëndri i Donald Trump, Jared Kushner, flutoroi sot nga Tel Avivi në drejtim të Abu Dhabit në bordin e avionit të parë tregtar mes shtetit hebre dhe Emirateve të Bashkuara Arabe, partnerë të rinj të shfaqur në Lindjen e Mesme.
“Ky është një fluturim historik dhe ne shpresojmë që të jetë gjithashtu dhe fillimi i një udhëtimi akoma më historik në Lindjen e Mesme dhe më gjerë”, deklaroi Kushner në aeroportin Ben Gourion, i dekoruar me flamujt amerikan dhe izraelitë.
Boeing 737 la tokën izraelite rreth orës 11:22 (08:22 GMT) dhe do të mbërrijë në Abu Dabi në orët e pasdites.
Emiratet e Bashkuara Arabe dhe Izraeli njoftuan më 13 gusht një marrëveshje për normalizimin e marrëdhënieve të tyre jo zyrtare që prej disa vitesh duke u bërë kështu vendi i parë i Gjirit që ndryshoi statusin e marrëdhënieve të tij me Izraelin, dhe i treti në botën arabe, pas Egjipti në 1979 dhe Jordanisë në 1994
