Lëvizja Vetëvendosje! dhe koalicioni LDK, AKR dhe Alternativa po vazhdojnë bisedimet në përafrimin e programit qeverisës, në rast se koalicioni PAN dështon në përpjekjen e parë për ta formuar Qeverinë.
Burime brenda koalicioni LAA kanë bërë me dije për “Republika 24” se brenda VV-së dhe LAA ka një dakordim për ta ndarë pushtetin në tri shtyllat kryesore të qeverisjes.
Sipas këtyre burime, Albin Kurti do të jetë kryeministër, Avdullah Hoti zëvendëskryeministër dhe ministër i Financave, kurse Behgjet Pacolli ministër i Punëve të Jashtme.
Nëse PAN-i dështon për ta bërë Qeverinë, atëherë është në dorën e presidentit nëse do për t’ia dhënë në herën e dytë mandatin për formimin e Qevrisë së re, mandatarit të dytë i cili ia ofron 61 nënshkrime të deputetëve.
Për këtë gjë, VV-ja dhe koalicioni LAA janë në finalizimin e fundit të programit qeverisës dhe ndarjes së pushtetit, nëse kjo i drejt i jepet mandatarit të dytë, VV-së dhe koalicionit LAA.
VV-ja (32) dhe koalicioni LAA (29) kanë gjithsej 61 deputetë, plus 20 minoritetet.
