Japonia po dëshiron të ndërtojë një superkompjuter shumë efikas, i cili gjithashtu do të bëhej superkompjuteri më i shpejt në botë në vitin 2017.
Projekti ka gjasë që shumë shpejt të ofrojë një platformë për hulumtim në fushat e robotikës, veturave pa shofer dhe diagnostikimit të sëmundjeve.
Ndërtimi i këtij superkompjuteri është pjesë e një rregulli qeveritar i cili ka qëllim ta kthejë magjinë e Japonisë në fushën e teknologjisë, vend ky që është përballur me konkurrencë me përparimet mbresëlënëse të bëra nga Kina dhe Koreja e Jugut.
Në përpjekje për ta çuar Japoninë në krye të renditjes së superkompjuterëve më të mirë në botë, inxhinierët japonezë do të ndërtojnë një makinë që do të kapërcejë kapacitetin e përpunimit prej 130 petaflopë në vitin e ardhshëm.
Fuqia përpunuese e kompjuterit nënkupton se ai do të jetë në gjendje që të prodhojë 130 kadrilion llogaritje në sekondë. Në krahasim, superkompjuteri më i shpejt në botë, Sunway Taihulight i Kinës, është në gjendje të prodhojë 93 petaflopë.
Nëse inxhinierët japonezë ia arrijnë qëllimit, superkompjuteri i Japonisë do të bëhej superkompjuteri më i shpejt në botë.
