Albin Kurti u shpreh pro bashkimit kombëtar, Pandeli Majko: Merru me punët e Kosovës!
“Diskutime të tilla, do të krijonin probleme me aktet ndërkombëtare që garantojnë stabilitetin e Kosovës, e kam fjalën për akte që garantojnë prezencën e NATO-s në Kosovë dhe paketën Ahtisari…”
Deklarata e Albin Kurtit se do të votonte pro nëse do të mbahej një referendum për bashkimin Kosovë-Shqipëri, wshtw komentuar nga ministri shqiptar Pandeli Majko.
Në një intervistë në Euronews Albania, Majko deklaroi se diskutime të tilla krijojnë probleme me aktet ndërkombëtare që garantojnë stabilitetin e Kosovës.
“Unë mendoj se z. Kurti ka vetëm një prioritet, të drejtojë si shtetar dhe kryeministër shtetin e Kosovës.
Kosovës nuk besoj se i bëjnë punë histori të natyrave të tilla.
Diskutime të tilla, do të krijonin probleme me aktet ndërkombëtare që garantojnë stabilitetin e Kosovës, e kam fjalën për akte që garantojnë prezencën e NATO-s në Kosovë dhe paketën Ahtisari.
Ndërkaq më e rëndësishme një kryeministër nuk mund të aludojë për statuse të ndryshme nga shteti që ai do të drejtojë sepse Kosova është duke u njohur nga shtete të tjera”, deklaroi ish-kryeministri.
Pandeli Majko i bëri thirrje Albin Kurtit që duhet të fokusohet tek forcimi i shtetit të Kosovës dhe të mos nxisë hapjen e diskutimeve të tilla.
