Aleanca për Shqiptarët sot përmes një press konference ka mbështetur grevën e punonjësve të arsimit të paralajmëruar për ditën e hënë, duke kërkuar rritje të rrogës për 30 për qind (që mesatarisht i vjen rreth 7.000 denarë për rrogat e arsimtarëve dhe profesorëve).
Deputetja Arta Toçi ka folur edhe për kushtet e vështira të arsimit në përgjithësi dhe niveli i ulët i pagave në veçanti,duke marrë për krahasim vendet e rajonit si Shqipëria dhe Kosova që kanë rroga mesatare mbi 450€ kurse Maqedonia e Veriut mbetet shumë largë me 345€,përgjegjësia për këtë gjendje bie mbi partinë shqiptare në pushtet e cila që nga viti 2002 ka drejtuar këtë Ministri por nuk ka arritur të zgjedhë asnjë problem të vetëm.
“Ne si parti politike në programin tonë politikë i kemi kushtuar vëmendje të veçantë këtij sektori shumë të rëndësishëm dhe mjaft të ndishëm,me marrjen e pushtetit synimi jonë është që minimumi të arrijmë nivelin e pagave të rajonit dhe të përmirsojmë pozitën e arsimtarit.
Ne mbështesim plotësisht grevën dhe i inkurajojmë sindikatën që të këmbngulë në kërkesat e tyre dhe të mos pranoj asjë zgjidhje gjysmake”, theksoi Arta Toçi nga Aleanca për Shqiptarët.
