KSHZ-ja pas miratimit të metodologjisë së kryqëzimit të të dhënave të mbledhura nga tereni dhe nga institucionet vendore si dhe pastrimin e listës zgjedhore dhe me shumicë votash vendosi që ka kushte për mbajtjen e zgjedhjeve të parakohëshme parlamentare me 5 qershor.
Edhe anëtarët shqiptarë të KSHZ-së, Bedredin Ibrahimi i partisë së z. Thaçi dhe Subhi Jakupi i BDI-së edhe kësaj radhe ishin ”Verni do smrt” si (kryetarët e tyre) ndaj VMRO-DPMNE-së , të cilët votuan pro mbajtjes së zgjedhjeve me 5 qershor.
Sa i përket votimit të Subhi Jakupit BDI-së mbase ishte edhe e qartë se ai do të ishte në të njëjtat frekuenca me anëtarët tjerë të KSHZ-së nga rradhët e VMRO-DPMNE, pasi që vet z. Gruevski në një pronocim publik tha se : ”Ali Ahmeti ma ka dhënë BESËN se do të marr pjesë bashkë me ne në zgjedhjet e 5 qershorit”!
Megjithatë assesi nuk mund të kuptohet vendimi i z Ibrahimi (PDSH), ku në vazhdimësi eksponent të partisë së tij duke përfshirë edhe vetë kryetarin Thaçi kanë ripërsëritur se janë në sinkronizim të plotë me bashkësin ndërkombëtare dhe se qëndrimi i tyre do të jetë konform vendimit të bashkësisë ndwrkombëtare . Mirpo vendimi i sotshëm i përfaqësuesit të PDSH-së , edhe njëherë vërteton faktin se ashtu si BDI, edhe PDSH vazhdojn të jenë ”Besnik deri në Vdekje” ndaj urdhërave të Gruevskit dhe Mijallkovit.
Përndryshe ky vendim u miratua me 6 vota pro, ndërsa seanca paraprakisht u braktis nga kryetari Aleksandar Çiçakovski dhe dy anëtarët e LSDM-së, Violeeta Duma dhe Igor Milev.
Çiçakovski gjatë debatit ka theksuar se tani për tani nuk ka kushte për mbajtjen e zgjedhjeve fer për shkak të vështirësive për pastrimin e plotë të listës zgjedhore. Por shumica e anëtarëve të KSHZ vlerësuan se ka kushte që zgjedhjet të mbahen më 5 qershor.
©fol.mk