I përfoluri i Lëvizjes BESA si kandidat i mundëshëm për kryetarë të Komunës së Çairit, në zgjedhjet lokale të 15 tetorit, Bekim Sali ndjehet shumë “rahat” në shoqërim me funksionarët e partisë rivale Bashkimit Demokratik për Integrim.
Në disa foto që tashmë po qarkullojnë në rrjetet sociale shihet qartë afërsia e pretendentit të Lëvizjes Besa për të parin Çairit Bekim Sali me zv kryeministrin Bujar Osmani. Këto foto kanë ngjallur interes të jashtëzakonshëm të opinionit publik sidomos tash kur edhe u përfol emri i Bekim Sali se do të garoj në zgjedhjet e tetorit e për kundër kandidatit duket se do ta ketë ish shefin e tij Bujar Osmanin. Andaj, me të drejtë nga shumë aktivistë të Besës janë hapur dilemat se si Bekim Sali i tyre ”koketon” me Bujar Osmanin dhe BDI-në e Çairit.
Për më tepër është z. Sali i cili ka ngritur shumë tensione ndërpartike midis shqiptarëve duke hedh vrerë mbi BDI-në, ndërsa nga ana tjetër duket tejet i lumtur dhe i kënaqur kur fotografohet me Bujar Osmanin e BDI-së.
Sali gjatë gjithë kohës në rrjetet sociale bën kritika të ashpra ndaj BDI-së, duke mos kursyer edhe akuzat ndaj Bujar Osmanit per person te inkriminuar ndërkohë që nuk e ka problem të ulet e të bëj qejf me Bujar Osmanin .
Përndryshe, Sali nuk është kuadër “taze” i Lëvizjes BESA ai ka aderuar nga BDI-ja te BESA. Gjatë kohës sa ka qenë ministër i Shëndetësisë Bujar Osmani, z Sali ka qenë shef i kabinetit të Bujar Osmanit, poashtu dhe kryetar i këshillit drejtues në Fondin Pensional. Pra pasi që ai ja pa hajrin BDI-së, tanimë është vërsulur edhe pas Lëvizjes BESA, kuptohet që t’ua sheh hajrin!