Besimi se aknet prekin më së shumti zonën e fytyrës është i gabuar, e kush vuan nga këto të fundit e di se ato të kurrizit janë më problematike ! Ndonëse në pjesën më të madhe të vitit ato nuk duken për shkak të veshjeve, aknet në kurriz janë të dhimbshme. Living do të ndajë me ju disa truke se si të pastroni lëkurën në zonën e shpinës . 1. Vaji i pemës së çajit Për shkak të përbërësve antibakteriale të vajit të pemës së çajit, Reader’s Digest rekomandon përdorimin e saj si një mënyrë për të ndihmuar në trajtimin e akneve të kurrizit. Ju duhet ta holloni këtë vaj esencial në mënyrë që të mos pësoni një djegje kimike. 2. Vaji i kokosit Sipas Healthline, përmbajtja e lartë e acidit laurik të vajit të kokosit mund të pengojë rritjen e baktereve që shkaktojnë puçrra. Është gjithashtu shumë hidratues, gjë që mund të ndihmojë në parandalimin e shenjave. Vaji i kokosit mund të bllokojë poret. Nëse lëkura juaj ka tendencë të jetë e yndyrshme, nuk uhet ta përdorni këtë vaj. Përzieni 2 lugë vaj kokosit dhe 10 pika vaj çaji pemë. Përziejini dhe ruajeni në një kavanoz. Ju mund ta aplikoni këtë masë një herë ose dy herë në ditë. 3. Mjaltë dhe kanellë Sheqeri natyral i mjaltit parandalon shumimin e baktereve ndërsa kanella ka vetinë të zvogolojë poret. A funksionon vërtet kjo maskë? Asnjë studim nuk është kryer , por e sigurtë që aplikimi i kësaj maske nuk do të përkeqësojë gjëndjen, ndaj ia vlen ta provoni. 4. Uthull molle Holloni një lugë uthulle molle me dy lugë ujë dhe me ndihmën e një pambuku lyeni lëkurën e prekur nga aknet. 5. Eksfoljimi Përzieni 1/2 filxhan sheqer me 1/2 filxhan vaj kokosit për të bërë një scrub të thjeshtë.Përdoreni një herë në javë për të pastruar lëkurën nga qelizat e vdekura.

Sa frustruese është të të thyhen thonjtë pikërisht kur këta të fundit kanë arritur atë gjatësi ideale për t’i lyer apo për t’i bërë tek estetistja? Thonjtë e dobët, thyerja e tyre mund të jenë shenjë e një problemi shëndetësor apo mangësie vitaminash por nëse ju nuk vuani nga asnjë nga problemet për të cilat është shkruar në artikullin e mësipërm, duhet të dini se përmes disa trukeve në kushte shtëpie mund të forconi thonjtë brenda pak javësh.

Vitamina E
Podiatri Carolyn Siegal rekomandon lyerjen e thonjve dhe kutikulave me vitaminë E. Çani kapsulën e kësaj vitamine dhe me vajin e saj lyeni thonjtë. Për të vepruar më mirë, aplikojeni në mbrëmje në mënyrë që mos t’i lani duart deri në mëngjes.
HIdratoni kutikulat !
Vaji i kokosit është jashtëzakonisht hidratues, por këtë produkt duhet ta kombinoni me dyllin e bletës (ose mjaltë). Ngroheni vajin e kokosit në një tigan derisa të shkrihet dhe përziejeni me pak mjaltë.
Përziejeni deri sa të arrijë konsistencën që dëshironi e me të lyeni thonjtë e kutikulat !
Manikyri i thonjve ndihmon që thoi të arrijë të ruajë lagështinë natyrale, ndaj nëse deri tani keni menduar se manikyri i dëmton thonjtë, keni gabuar! Megjithatë pastruesin e manikyrit (açetonin) nuk duhet ta përdorni më shumë se një herë në javë ! Kini kujdes gjithashtu me limën e thonjve sepse ju mund të limoni shtresën e parë të thoit duke e dëmtuar atë.
Mbani gjithmonë doreza kur përdorni detergjentë të ndryshëm, kur lani veshje me dorë, apo qoftë edhe enët.
Dizinfektanti i duarve nuk është miku më i mirë i thonjve! Alkooli, edhe pse vret mikrobet, gjithashtu than lëkurën, thonjtë dhe kutikulat.