Ju informojmë për takimet dhe ngjarjet më të rëndësishme që do të ndodhin ndërmjet datave 19 dhe 25 mars në Evropë, në Evroazi, në Azi-Paqësor, në Azi Jugore, në Lindjen e Mesme e Afrikën Veriore, në Amerikë, dhe në Afrikën nën Saharë.
Evropë
19 mars: Këshilli për Punë të Jashtme i Bashkimit Evropian takohet për të diskutuar për rastin e helmimit të një ish-spiuni rus në Britani, por edhe për Ukrainën, Sirinë, Gadishullin Korean dhe Iranin.
20 mars: Afati i fundit për Poloninë që t’i zbatojë rekomandimet e Komisionit Evropian për sundimin e ligjit.
20 mars: Këshilli për Punë të Përgjithshme i Bashkimit Evropian takohet për të diskutuar për kornizën e marrëdhënieve të ardhshme me Mbretërinë e Bashkuar, pas Brexit’it.
21 mars: Komisioni Evropian publikon një propozim për të vënë taksa ndaj kompanive të mëdha digjitale, sipas vendndodhjes së përdoruesve të tyre.
22-23 mars: Mbahet një samit i udhëheqësve të shteteve anëtare të Bashkimit Evropian, diskutohet për marrëdhënien e ardhshme mes BE’së e Britanisë.
23 mars: Zhvillohet seanca e parë e Parlamentit të ri italian, dhe zgjidhen kryetarët e dy dhomave të Parlamentit.
25 mars: Afati i fundit për formimin e grupeve parlamentare në Parlamentin italian.
Evroazi
23 mars: Ministri i Jashtëm francez, Jean-Yves Le Drian, viziton Ukrainën.
23 mars: Mban mbledhje Banka Qendrore e Rusisë.
25 mars: Zhvillohen zgjedhjet parlamentare në Turkmeni.
25 mars: Opozita në Bjellorusi mban marsh të paautorizuar në Minsk.
Azi-Paqësor
19 mars: Legjislatura japoneze zhvillon debat për skandalin në shkollën Moritomo Gauken, që ka përfshirë kryeministrin Shinzo Abe.
19 mars: Shtetet e Bashkuara dhe Koreja e Jugut zhvillojnë dialogun e përdyvitshëm për mbrojtje të integruar, në Uashington.
19-20 mars: Ministri i Jashtëm rus, Sergei Lavrov, viziton Vietnamin.
20 mars: Kongresi Kombëtar Popullor i Kinës përmbyll punimet, pas 15 ditësh.
21 mars: Japonia, Koreja e Jugut dhe Shtetet e Bashkuara mbajnë Bisedimet Tripalëshe për Mbrojtje.
22-24 mars: Presidenti i Koresë së Jugut, Moon Jae In, viziton Vietnamin.
Azi Jugore
22 mars: Presidenti gjerman, Frank-Walter Steinmeier, viziton Indinë, për të diskutuar për marrëdhëniet bilaterale.
22 mars: Qeveria e Maldiveve i jep fund gjendjes së jashtëzakonshme në vend.
23 mars: Pakistanezët shënojnë Ditën e Pakistanit, me një paradë ushtarake, për të kujtuar Rezolutën e Lahorit të 1940’s, dhe miratimin e kushtetutës së 1956’s.
Lindje e Mesme / Afrikë Veriore
21 mars: Irani dhe Azerbajxhani shënojnë nisjen e Nevruzit, festivalit të pranverës.
22 mars: Bahrejni nis gjykimin e udhëheqësve të partisë së shpërbërë opozitare Al Wefaq, të cilët akuzohen se kanë spiunuar për Katarin.
24-26 mars: Presidenti i Koresë së Jugut, Moon Jae In, viziton Emiratet e Bashkuara Arabe.
Amerikë
Datë e paspecifikuar: Presidenti amerikan, Donald Trump, shpall masa tregtare kundër Kinës.
Këtë javë: Princi i Kurorës i Arabisë Saudite, Mohammed bin Salman, viziton Shtetet e Bashkuara të Amerikës. Takon presidentin Donald Trump dhe qëndron, përveç në Uashington, edhe në Boston, Nju-Jork, Hjuston, Sietëll dhe San Francisko.
19-20 mars: Ministrat e Financave të vendeve të G-20 takohen në Argjentinë.
20 mars: Blloku tregtar amerikanojugor Mercosur dhe Kanadaja rinisin negociatat tregtare në Otavë, Ontario.
21 mars: Mban takim Rezerva Federale amerikane – jep konferencë për media më pas.
21 mars: Mbahet mbledhja e Bankës Qendrore të Brazilit.
21-23 mars: Presidenti i Taxhikistanit, Emomali Rahmon, viziton Nju-Jorkun.
22 mars: Kongresi i Perusë voton për shkarkimin e presidentit Pedro Pablo Kuczynski.
23 mars: Hyjnë në fuqi tarifat amerikane për çelikun dhe aluminin.
Afrikë nën Saharë
19-21 mars: Mbahet forumi për energji të qëndrueshme për Afrikën Lindore në Kigali, Ruandë.
20 mars: Shoqata e Minatorëve dhe Unioni i Ndërtimtarëve në Afrikën e Jugut zhvillojnë demonstratë në Pretoria, kundër reduktimit të vendeve të punës në industri dhe për çështje të tjera.
20-24 mars: Vazhdojnë protestat e opozitës së Togos në mbarë vendin.
25 mars: Mbahen zgjedhjet për Senat në Kamerun.
