Autoritetet gjermane kanë nisur një hetim për krerët amerikanë të Facebook, mes të cilëve themeluesin dhe drejtuesin Mark Zuckerberg.
E përjavshmja, e cila publikoi lajmin “Der Spiegel”, sqaron se krerët e “Facebook” akuzohen për mungesën e heqjes së përmbajtjeve kriminale, si kërcënime dhe mohime të genocidit hebre.
Mësohet se hetimi po kryhet nga Prokuroria e Mynihut, që mes të tjerësh ka përfshirë edhe drejtoreshën operative të Facebook, Sheryl Sandberg, si dhe shefin e lobimit të rrjetit social në Europë, Richard Allan.
