Vitet po kalojnë por po ta kthejmë kohën pak mbrapa të gjithëve na kujtohen ditët kur në pranverën e hershme të 2001 u paraqit Ushtria Çlirimtare Kombëtare , e cila ushtri arriti ti tuboj bijt dhe bijat më të mirë të atëdheut nga gjitha anët ku frymohet shqip me qëllimin e vetëm që shqiptarët e Maqedonisë njëherë e përgjithmonë të jetojnë , punojnë dhe veprojnë të lirë në trojet e tyre .
Pas përfundimit të luftës e cila rezultoi me marrveshjen e Ohrit , udhëheqsia e tani më ish UÇK , në krye me Ali Ahmetin vendosen të kyçen në politikë duke formuar edhe subjektin politik BDI . Atë kohë kishte mendime të ndryshme se sduhej krijuar ky subjekt politik sepse do të zbehte veprimtarinë kombëtarë të lidershipit të UÇK , por kur tani analizojmë ngjarjet është më se e qartë se qëllimi i vetëm i udhëheqsve të BDI paska qenë pozicionimi i tyre në pozita partiake e shtetërore si dhe pasurimi i tyre në mënyre jo ligjore , në dëm dhe në korriz të popullit .
Populli bujar dhe i sinqertë përpos kushtrimit për liri ku dha bijtë e bijat , ua dha paratë e mërgatës, ua dha djersën e ballit , ndau bukën e gojës dhe përpos këtyre nuk ndaloj por ju dha edhe mbështetjen dhe besimin duke i votuar radhazi në disa cikle zgjedhore .
Ashtu siç po kalonin vitet aq më shumë po zhyteshin në krime , në skandale të ndryshme , dhe sa më shumë rritej zgjënjimi i popullit i cili kësaj here vërtetë u tradhëtua në mënyrën më të keqe të mundur .
Tani më integristët me gënjeshtrat e tyre po na antarsonin dhe integronin në Nato dhe BE në çdo fushat paragjedhore , herë na gënjente njëri dhe herë tjetri , herë na thonin tani jemi ne aeroplan jemi në qiell së shpejti do të aterojmë në NATO , por ky aterim nuk ndodhi asnjëher sepse ai aeroplan si duket u zhduk në mënyrë dhe rrethana misterioze. E kur ti pyesësh për realizimin e të drejtave të shqiptarëve , gjuhën , flamurin , përfaqsimin e drejtë dhe adekuat , mjeranat përgjigjen pa fije turpi , JO ne të gjitha këto çështje i kemi lënë anash për hirë të integrimit euroatlantik ! E ç’integrim ? as integrim e as të drejta , as mish e as peshk .
Po ti thuje ndokujt se do të ndodh që një ditë Komandanti dhe Gjenerali do të ndahen , do të konsideronin të çmendur por ja që dështimet dhe zhytjet e mëdha të BDI në afera të ndryshme duke harruar arsyen se pse bënë luftën dhe veprimtarinë e gjithë kjo rezultoi me ndarjen e ish Gjeneralit dhe bashkpunorit kryesor të Ali Ahmetit , Gëzim Ostreni së bashku me deputetin dhe ish komandantin Zulfi Adili – Qufa të cilët formuan partinë poltike Uniteti.
Të njejtën gjë më heret e kishte bërë edhe Bilall Kasami i cili ishte funskionar dhe kuadër i BDI por që tani udhëheq apo është kryetar i Lëvizjes Besa .
Situata që u gjenden integristët e ç’integruar nuk la pa prekur edhe raportet familjare mes “ Dajës dhe Nipit “ , biseda e publikuar mes Ali Ahmetit dhe Musa Xhaferit ku talleshin me Fazli Veliun – dajën , si duket ka ndikuar që ky i fundit së bashku me nipin e tij Fatmir Limani i cili nuk po gjen dot hapsirë në BDI , dhe ish deputetin Tahir Hani i gjithashtu i lënë anash nga klani i Ramiz Merkos në Strugë , rezultoi me nismën për formimin e një partie tjetër me emrin Lëvizja .
E ç’lëvizje duke qëndruar 15 vite dhe duke përfituar mbi kurrizin e popullit të vuajtur , dhe tani kur sheh se të janë ngushtuar hapsirat për veprim bën një hap tjetër për të hutuar popullin e për të shpetuar vetën .
Kjo pra është në pika të shkurtëra historiku i udhëheqesve të BDI , të cilët erdhën si çlirimtarë por nuk na çliruan , vazhduan si integristë por nuk na integruan dhe sot kanë përfunduar dhe po përfundojnë të përçarë nëpër subjekte të ndryshme politike , për ta shfajësuar veten nga veprimet e tyre që popullit shqiptarë i kushtuan shumë shtrenjtë gjatë këtyre 15 viteve .
Koment i redaksisë FOL.mk
