“Sot e nisëm edhe një projekt të rëndësishëm për ndërtimin e rrugës lokale që lidh Siniçanin e Epërm me Siniçanin, një projekt i shumëpritur dhe tejet i rëndësishëm për banorët e kësaj zone”, ka shkruar kreu i komunës së Bogovinës Feti Abazi, në Facebook.
“Kjo rrugë do të lehtësojë ndjeshëm qarkullimin, do të përmirësojë kushtet e jetesës dhe do të krijojë mundësi më të mira për zhvillim. Si një fshat malor, investime të tilla janë kyçe për të parandaluar shprazjen dhe për të nxitur rikthimin e jetës në këtë vend të bukur.
Të përkushtuar për të ndërtuar infrastrukturë që u shërben qytetarëve tanë dhe i jep të ardhme zonave tona rurale!”, ka përfunduar, ai.
