Të paktën 22 persona janë lënduar gjatë përplasjes së mbrëmshme mes një treni mallrash dhe një treni pasagjerësh jo shumë larg Novi Sadit në Vojvodinë të Serbisë.
Aksidenti ndodhi në vendbanimin Sajlovo të Novi Sadit, ndërsa për shkak të terrenit të paarritshëm, pasagjerët e lënduar janë transportuar me tren tjetër deri te stacioni kryesor hekurudhor dhe më tej janë transportuar me autoambulanca për kontroll në qendrën klinike të Vojvodinës, raporton Anadolu Agency .
Sipas të dhënave jozyrtare, 22 persona janë lënduar, prej të cilëve katër më rëndë, por askush nga të lënduarit nuk është në rrezik jete. Për shkak të fatkeqësisë mbrëmë u ndërpre komunikacioni në drejtimin hekurudhor ndërkombëtar Novi Sad – Budapest.