Huliganët maqedonas sulmojnë autobusin që shkonte drejt Haraçinës

Më shumë se 20 huliganë maqedonas mbrëmë kanë ndaluar dhe sulmuar autobusin urban që ka si destinacion Haraçinën. Autobusi ka qenë me banorët e këtij vendbanimi, ndërsa mes tyre bëhet e ditur edhe për të plagosur, transmeton INA.

Lidhur me incidentin policia ka dalur në vendin e ngjarjes, por duke mos dhënë hollësi. Po ashtu në vendin e ngjarjes kanë mbërritur edhe ndihma e shpejtë.

Lajmi bëhet i ditur nga banorët lokal, por edhe përmes një komunikate të degës së LR-PDSH nga Haraçina.

“Rreth orës 18:30 të ditës së sotme, në lagjen e quajtur ‘Maxhari’, një grup 20 persona, kryesisht të rinjë të nacionalitetit Maqedonas, kanë ndaluar autobusin me nr-55 i cili bartë udhëtarët Haraçinës, dhe kanë sulmuar me mjete të forta: gurrë, shufra hekuri udhëtarët të cilët kanë qenë duke udhëtuar drejtë Haraçinës. Mësohet se ka banorë të lënduar.”, theksoi Driton Nebiu, kryetar i degës së LR-PDSH , i cili ka reaguar përmes një komunikate të shpërndarë mediave. Sipas tij, ky është sulm barbar ndaj banorëve që po udhëtonin drejt shtëpive të tyre. “Ky pushtet i udhëhequr nga VMRO-BDI për të mbrojtur vetëveten gjithmonë shqiptarët i përdorën si mish për top. Apelojmë deri te organet e ministrisë së punëve të mbrendshme që të ndërmarin masat e duhura për të zbardhur këtë ngjarje dhe autorët të vehen para përgjegjësisë”, thekson kjo parti.