Tre të mitur nga Tetova janë kallëzuar penalisht pasi që dyshohet se kanë kryer veprën penale të vrasjes në tentative.
SPB e Tetovës bën të ditur se në nëntorin e vitit të kaluar, tre të miturit e kanë sulmuar fizikisht një moshtatar të tyre. Njëri nga sulmuesit ka nxjerrë thikë dhe i ka shkaktuar plagë viktimës së dhunës.
Më pastaj, sulmuesi me thikë, bashkë me nënën e tij janë paraqitur në polici, ku edhe e kanë dorëzuar thikën e përdorur. Sulmuesit janë të moshës 16 dhe 15 vjeçare, kurse i dhunuari është i moshës 17 vjeçar.
