Koment: fol.mk
Sekretari i përgjithshëm i BDI-së Abdilaqim Ademi vazhdon me avazin e mashtrimeve bombastike duke u munduar i shkreti nëpërmjet ca tabelave tua shpërlajë edhe kësaj rradhe trurin shqiptarëve. Ai në formë statistikore duke përdorur ca grafikon, me sa duket qenka lodhur dhe paska dhënë shumë mund duke u munduar që të ju ofroj të dhëna ”sa më të sakta”, bile edhe në detaje shqiptarëve se si ai dhe partia e tij paskan bërë shumë investime, edhe atë në sektorë të ndryshëm, konform platformës së titulluar ”1081 Mashtrimet e BDI-së” në periudhën 2014-2016.
Ai në profilin e tij në fejsbuk ka shënuar shifrën e investimeve totale që sipas tij qenkan marramendëse, edhe atë në vend që ta rrumbullakësoj në 2 miliard euro, ka shkruar 1.975.352.869 (ndoshta kjo sipas mendjes së tij do të dukej më e besueshme dhe më bindëse për atë kategori të njerëzve që ua dedikon)!…
Është i kot i gjithë ky mund, sepse nuk besoj se gjenë shqiptarë në këto hapsira që të ju besoj fjalëve të tua. Edhe ata me njohuritë më minimale nuk i hanë këto fore, prandaj mos provo tua fyejsh intelegjencën njerëzve dukë plasuar gënjeshtra që ju ka dalë boja.
Të pretendosh se ke investuar dy miliard euro, dhe nga ana tjetër shqiptarët të vazhdojnë të vuajn për ujë e kanalizime, infrastrukturë rrugore, shkolla të shkatëruara, spitale të rrënuara, pa nxemje e pa shtretër, kjo është vetëm mashtrim.
Nëse për një vit i tërë buxheti i shtetit nuk i kalon tre miliard euro, kur dihet botërisht se nga ky buxhet rreth 1/3 e tij janë paga të administratës, 1/3 janë pensione e transfere tjera si puna e kredive, atëher investime kapitale i bie të jenë dikund rreth 400 milion euro, kuptohet në tërë teritorin e shtetit. Kur ia shtojmë kësaj edhe koston harxhimeve nga projektit juaj madhështor ”Shkupi 2014” , i bie se për ju nuk paska ngelur as një qindarkë për të investuar në projekte kapitale nga ky buxhet (që e mbushin edhe shqiptarët), për venbanimet shqiptare.
Prandaj, sa më të mëdhaja dhe më bombastike janë shifrat tuaja , aq më pak shqiptarët ju besojnë juve. Ju e keni dëshshmuar veten gjithë këto vite duke rrjepur shqiptarët. Edhe ato pak gjëra të mira që janë bërë janë kontribut i vetë njerëzve që kanë ndarë nga buka e gojës, mjete për të krijuar disa kushte shumë elementare si ujë e kanalizime, që ju as që doni ti përmendni, por megjithatë ne do tua përkujtojm se ju nga pafuqia e juaj për të tërheq mjete nga buxheti i shtetit në mënyrë të kundërligjshme keni reketuar qyetarët duke u marrë para të majme, me anë të atij ”bashkëfinancimit” tuaj të famshëm nëpër komunat që ju menaxhoni!
Për fund për të qartësuar edhe opinionin se sigurisht janë shumë të interesuar të dijnë, nëse në këto projekte dhe shifra që ju i ndajtët me publikun është përfshirë edhe projekti i ”parkut” që një kryetar i Komunës qw menaxhohet nga partia juaj ka kërkuar mjete nga gurbetqarët për të realizuar projektin në fjalë.
(Fotoja në vazhdim është një dëshmi që vërteton se pohimet e Sekretarit të përgjithshëm të BDI-së, se janë vetëm mashtrime dhe për efekt elektorale. Realiteti është i hidhur. Kur edhe për një minipark kërkojn ndihmën e gurbetqarëve, këta janë për ti vajtuar G…Z…)
©fol.mk