Dje në Strasburg, presidentja Osmani zbuloi që Kosova është duke e përgatitur një draft-statut të Asociacionit të komunave me shumicë serbe. Osmani këtë deklaratë e bëri pas pyetjes së gazetarëve për draftin e propozuar nga kryeministri shqiptar, Edi Rama. Për themelimin e asociacionit, presioni nga ndërkombëtarët po vazhdon të rritet, pasi nisja e punës për krijimin e asociacionit është kërkesa e tretë që Bashkimi Evropian ka për deeskalimin e situatës në Veri.
