Tetë milionë njerëz në gjithë botën tani janë infektuar nga koronavirusi.
SHBA-ja ende mbetet vendi më i goditur me më shumë se 2 milionë raste dhe më shumë se 100,000 vdekje.
Por, vendndodhja gjeografike e virusit po zhvendoset.
Qendra e vëmendjes ishte dikur në Kinë, më pas në pjesën më të madhe të Europës, por Amerika Latine tani duket se është epiqendra e re e virusit.
Brazili ka më pak se 889,000 raste të konfirmuara, Peru 232,000 dhe Kili 179,000 – sipas të dhënave të mbledhura nga Universiteti Johns Hopkins.
Pavarësisht kësaj, presidenti i Brazilit Jair Bolsonaro ka vazhduar ta minimizojë rrezikun nga ky virus, edhe duke thënë se “vdekja ishte fati i të gjithëve”.
Sytë po kthehen gjithashtu drejt Azisë së Jugut, transmeton Klan Kosova.
Koronavirusi është në rritje në vende si India – me raste në rritje, megjithë përpjekjet për bllokim.
Në Pakistan autoritetet thonë se ata do të vendosin përsëri kufizime të lokalizuara, pasi një ministër paralajmëroi që rastet mund të arrinin deri në 1.2 milion deri në fund të korrikut.
Pakistani më herët kishte hequr kufizimet – më 9 maj – duke përmendur pasojat e mëdha ekonomike – dhe që nga atëherë niveli i infeksionit është rritur shpejt.
