Kuvendi i Maqedonisë sot i rikthehet punës pas seancës së javës së kaluar kur u votua Ligji për përdorimin e gjuhëve. Në rend dite sot është seanca e 38-të, ndërsa seanca janë caktuar edhe në 13 komisione.
Në seancë plenare do të shqyrtohen ligje nga fusha e energjetikës, ekonomisë,
shëndetësisë dhe sfera të tjera. Ligje të ndryshme do të shqyrtohen edhe në komisionet parlamentare. Kuvendi ka në proces ligje të rëndësishme që janë pjesë e reformave dhe që mbajnë flamurin e BE-së, duke qenë prioritet.
