Drejtoria për Punë Hidrometeorologjike informon se do të vazhdojë periudha e motit stabil dhe kryesisht të thatë. Deri të enjten më shpesh do të fryjë erë e dobët jugore, për ç’arsye nëpër fushëgropa do të ketë paraqitje të inversionit të temperaturës, e cila do të jetë më e theksuar prej nesër deri të premten.
Nesër, e pastaj edhe në periudhën deri të enjten do të ketë edhe paraqitje të mjegullës, ndërsa diku edhe vranësira të ulëta nëpër fushëgropa dhe lugina të lumenjve. Në këtë periudhë në verilindje dhe në Shkup, prej nesër drejtë të mërkurës do të ketë rrymim pak më të theksuar, dhe gjatë ditës mjegullat do të zvogëlohen, por pritet kushtet për mot me mjegull edhe mëtej të mbeten.
Temperatura ditore në vendet me mjegull do të mbetet më e ulët, ndërsa në vendet tjera do të mbajë mot relativisht i ngrohtë gjatë ditës për këtë pjesë të vitit. Nga e mërkura pritet rritje e vranësirave dhe kushte për paraqitje të reshjeve të dobëta të shiut, diku në jug. Ndryshim i konsiderueshëm i motit pritet prej të premtes gjatë ditës dhe do të shoqërohet me erë mesatare veriore dhe reshje të shiut, ndërsa në male borë. Ulje e konsiderueshme e temperaturës do të ndjehet të shtunën. /Fol/
