Ipswich Town ka regjistruar fitore prej 1-0 si nikoqir i Leeds United.
Skuadra që bën gara në Championship arkëtoi pikë të plotë fala futbollistit shqiptar, Bersant Celina.
Futbollisti që e përfaqëson Kosovën e gjeti golin në minutën e 67-të të takimit dhe ky gol mjaftoi për fitoren e ekipit të tij.
Ishte një gol fantastik i Celinës, i cili e pranoi topin, krijoi hapësirë dhe goditja e tij nga largësia ishte e pandalshme.
Vlen të theksohet se Leeds nga minuta e 37-të luajti me një lojtar më pak, duke qenë se Eunan O’Kane u përjashtua me karton të kuq.
Celina luan te Ipswichi nga fillimi i këtij sezoni në formë huazimi një vjeçar.
21-vjeçari është në pronësi të Manchester Cityt, ndërsa është dërguar në ekipe të ndryshme për të fituar përvojë.
Në sezonin 2016/2017, ai ka luajtur në Eredivisie te skuadra e Twentes.
